|
Wednesday, 09 July 2008 15:28 |
|
 Iiraan oo beryahanba ku hanjabaysay in ay jawaab naxariis darro ah kabixinayso haddii ay Mareykan iyo Israa'iil soo weeraraan ayaa maanta waxa ay tijaabo ahaan u tuurtay 9 gantaal oo isugu jira kuwa riddada dhexe iyo kuwa gaara meelaha fog-fog. Iiraan ayaa u digtay Mareykanka iyo Yuhuudda una sheegtay in ay diyaar u tahay ka jawaabidda weerar kasta oo xaggooda kaga yimaada.
Iiraan waxa kale oo ay ku hanjabtay in ay xireyso Marinka Hormuz oo ay maraan 30% maraakiibta beecmushtarka adduunka, siiba kuwa batroolka. Mareykanka ayaa isna dhankiisa yiri in uu taasi ka hortagi doono. Mareykanka iyo Yuhuudda oo loogu bartay in ciddii ay ka dareemaan dhega adeeg ay isla markiiba tallaabo ka qaadi jireen ayaa hadda u muuqda in ay arrinta meer-meerinayaan, ka dib markii ay u caddaatay in ay Iiraan waxyeello u gaysan karto. "We warn the enemies who intend to threaten us with military exercises and empty psychological operations that our hand will always be on the trigger and our missiles will always be ready to launch," sidaas waxaa yiri Taliyaha ciidanka ilaaladakacaanka ee iiraan Commander Hossein Salami. |
|
|
Tuesday, 08 July 2008 08:23 |
|
“Baydhabo waa dhufeyskii ugu dambeeyay ee ay ku jiraan Ciidamada cadawga, sidaas darteedna waxaan mujaahidiinta ugu baaqayaa in ay Baydhabo isugu yimaadaan” Talaado, July 08, 2008(HOL): Afhayeenka dhaqdhaqaaqa Al-Shabaab Shiikh Mukhtaar Roobow Abuu Mansuur oo shir jaraa’id qadka Taleefoonka ugu qabtay Warbaahinta Muqdisho ayaa wuxuu sheegay in ay Xoogaggooda ka dambeeyeen Weerarro Madaafiic loo adeegsaday oo xalay lagu qaaday Magaalada Baydhabo. |
|
Read more...
|
|
Saturday, 28 June 2008 13:19 |
|
Magaalada Beledweyne ayaa maanta waxaa ay gacanta u geshay ciidamada Maxkamadaha ka dib markii ay weerar gaadmo ah ku soo qaaday ayagoo ogaaday in ciidamada Itoobiya ay halkaasi banneeyeen. Ciidamada Maxkamadaha ayaa is hortaagay dad doonayey in ay bililiqeystaa xarunta maamulka gobolka, ayagoo dadweynaha ugu baaqay in ay nabadda ka shaqeeyaan. Dhanka kale 2 qof oo shaqaalaha Qaramada Midoobay oo u shashay Swiden ayaa lagu afduubay degmada Xudur. Guddoomiyaha degmada Xudur Maxamed Macallin Axmed ayaa dhaawac soo gaaray haatanna ku jira cisbitaalka degmada. Gudoomiyaha gobolka Bakool Maxamed Cabdi MeyowTall ayaa isagana dirqi kaga baxsadey lug ka dib markii laga reebtay baabuurtiisii iyo ilaaladiisii. |
|
Monday, 16 June 2008 21:26 |
|
Wararka naga soo gaaraya magaalada Nairobi ee dalka Kenaya ayaa waxay sheegayaan in shalay gelinkii dambe uu halkaas gaaray Wafdi uu hoggaaminayo Guddoomiyaha Isbaheysiga Dib u xoreynta Soomaaliya Shiikh Shariif Shiikh Axmed. Wafdigan oo uu ka mid yahay Guddoomiyaha Golaha Dhexe ee Isbaheysiga Dib u xoreynta Soomaaliya Shariif Xasan Shiikh Aadan ayaa lagu soo waramayaa in uu Nairobi u tegay sidii uu kulamo ula qaadan lahaa Qaramada Midoobay iyo Wakiillada Beesha Caalamka ka jooga Magaalada Nairobi. |
|
Read more...
|
|
|
04:00
Maxkamad ku taalla dalka Swizerland ayaa xukuntay in digaagga lagu xiro sanduuq aan dhawaaqa soo gudbinaynin laga bilaabo afar saac habeenimo ilaa hal saac subaxnimo (10:00pm to 07:00am), si dadka deriska ah ay uhelaan hurdo fiican. 
Shirkad Japan ah ayaa bilowday maanta (01/07/2008) in ay aqbasho xajis (reservation) xafladaha aroosyada ah, gaar ahaan kuwa doonaya in ay isku mehersadaan hawada sare. Xafladda arooska ayaa waxaa lagu qabanayaa markab cireed yer gudihiisa (small space vessel) waxayna ku kacaysaa adduun dhan 240 million oo Yen una dhiganta $2.3 Million. Markabka ayaa hawada loo ganayaa asagoo gaaraya masaafo dhan 100Km (60 mile) oo qqadanaysa muddo hal saac ah. 
